زوجي والأستئذان

ياعسل عوديه انك تخرجي دائما وزوجك على ماتعوديه وطبعا انا مااقصد كل يوم بس اكيد الأربعاء الخميس لمواجيبك اما الجمعه تكون خرجتك معاه ومعليش اتحملي اللي يجيك من كلام بس فترة وتعدي انا زوجي كان كذا الين ماجاه احباط وصار يسكت:p

بركه بروكه;14623768:
ياعسل عوديه انك تخرجي دائما وزوجك على ماتعوديه وطبعا انا مااقصد كل يوم بس اكيد الأربعاء الخميس لمواجيبك اما الجمعه تكون خرجتك معاه ومعليش اتحملي اللي يجيك من كلام بس فترة وتعدي انا زوجي كان كذا الين ماجاه احباط وصار يسكت:p

:thumbs_up::thumbs_up:

صح يابركه .. تعجبيني ..

عودي نفسك قبل ماتردي على اي كلام انك تسكتي شوية
ثانيتين كفاية ترتبي افكارك .. وتقولي الكلام اللي زوجك يبغاكي تقوليه ..
تبغي ترضيه .. قولي له أبشر وحاضر ومن عيوني
ومع الكلام الحلو والأدب في الطلب ..
بتاخذي اللي تبغيه وبتروحي عزايمك وانتي مبسوطة ..
عدت 3 سنوات من زواجكم ان شاء الله تقضوا العمر كله مع بعض
لو جلستي مع نفسك وفكرتي كيف كان وكيف صار في موضوع خرجاتك
بتلاقيه أكيد تغير شوية .. كان في البداية أشد من كذا ..
وكل ماله بتخف الشدة وحدة وحدة لين يصير عادي و مايتضايق ...
اصبري وسايريه واكسبي رضاه .. تكسبي كل اللي تتمنيه ..
الصبر جميل ياقمر :032:

المشكله اني انا برا المملكه يعني المناسبات نااادره جدا
وشكله تعود مره على جلستي بالبيت
لكن مشكوررررين على ردودكم وجزاكم الله خير

قوليله انك لازم مثلا توجبي مع الناس عشان يوجبو معاكي بعدين...وكلام البنات كلهم عين العقل اتدربي انك تقولي الكلام اللي بيغاه واقصري الشر وريحي بالك ترا الرجال مزاجييييييييييييييييييييييييييييييييييييييييييييييييييييييييين على كيفهم لو سويتي اللي يبغوه بيخلوكي ملكه

مشكوررره حبيبتي والله يجزاك خير
ماقصرتوا جميعا

حبيبتي ممكن يكون راي مختلف شوي عن حبيباتي حلو انك تحسسين زوجك انه مهم لانو بيحس برجولته بس حلو المراه يكون لها راي وشخصيه عبري عن رايك بكل صراحه جنبه وقولي انك تبغين تروحين المكان الفلاني بس يكون الاسلوب بكل ثقه

سايريه الرجال مثل الاطفال ...بعد شوي بتتعودين على الطريقة هذه ...ما فيها شي

يمكن هو يحب يظهر في نظر صديقاتك انه الكل في الكل :rolleyes:

انا راي من راي (ضي عمري) احترام الزوج لازم بس مب لدرجه انه يخليني بدون شخصيه ولا قرار .. يعني مبين من كلامه انه يبغي يحركج شرات الريموت كنترول ولا شو قصده قوليلها بشوف بو فلان اول ليش يعني؟ خلاص عوديه باسلوبج شوي شوي انه تغيرين ها الطبع فيه ,, قوليله مثلا انا لازم استىذنك وانته من حقك ترفض اذا عدنا مشوار او محتاج اني اجلس وياك هاليوم او مثلا تعرف انه هالمشوار مب زين او فيه مشاكل ولا غير جذي لا.. لا تخلينه يحس انج ضعيفه هاي نصيحه مني .. والله يهديه لج يا رب

مرحبا :072:عزيزتي والله اعلم زوجج من النوع الي يحب زوجته تكون

بيتويه الرجل ما يتكلم بصراحه يتكلم برموز , ما يقدر يقول لا تروحين ,

لأن يحس أن مب من حقه فيلف ويدور ويطلع

لج عذر , مثال لما قالج خليني اكلم بو فلان وعلى اساس , توقع انج

ترفضين , المهم شلون نتصرف في هالمواقف وخاصه , أن احنا يالحريم

نحب الزيارات , انتي دايما اهتمي في البيت خليه يحس أنج مامقصره كلش ,

لما تطلعين من البيت خلي كل شئ في مكانه بحيث ان

ما تعطينه مجال يقول طلعت وخلت كل شئ مكركب , من جهه ثانية , لما

تبين تطلعين طبعا اكيد بيكون عندج علم , نفس اليوم في الصباح , فخبريه

من الضحى وقت راحته يا بو فلان اليوم بطلع , قالج وين رايحه , بيت

ريفيجتي وخلي صوتج نفس العصفور والنظرات نفس القط , مع ابتسامة

ارنوب , ليش رايحه , اغير جو اذا ماكان عندك مانع حبي ,

اذا قال لا , ارمشي عينج , بوزي على دلع , وحسسيه أن دمعتج نزلت ,

واذا كلمج مثلي نفس القط والأرنب ترميشه على دمعه وعلى صوت هادي ,

جوفي عزيزتي علاقتج بزوجج الدنيا وما فيها اهم شئ في الوقت الحالي

تكسبينه مع الأيام بيجوفج المره السنعه الي

تحترم كلام زوجها مع الأيام مع العزايم اطلبي منه وبنفس الطريقة يمكن في

وقت من الأوقات يرضى , حبيبتي عمرج لا تطلعين من البيت الا هو راضي

ومستانس بعد , واذا في يوم من الأيام وافق احضنيه بالقو , وسوي روحج

طايره من الفرحه , لما تطلعين قولي باي حبي :L:

ماشاء الله ماقصروا الاخوات

انا مع راي اشواك الورد

عزيزتي انا احس لا زوجك يبي يكون محور اهتمامك ... يبي يحس انك ترجعي له بكل شيء وهذا حقة طيبا الحين عززي على مسامعة وجدامة وجدام الكل بشوف بو فلان يمكن عنده كخطط اليوم رواح ارجع لك اي وحدة تعزمك ع الاقل جدامة لازم يحس انك تحطين له الف حساب ... استأذني ما فيها شيء وقولي راح اشوف بو فلان جدامة ... زلما تبي تستأذني طبعا اسلوب حلو وطيبة خاطر وووووووووو

هذا واجب عليك عزيزتي وصدقيني اذا عززتي في نفسة هذا الشيء فترة بسيطة وخلاص راح يشبع ويقولك اطلعي اطلعي ورحي وووووو

والاستأذان من شيم بنات الاجواد مب يلغي شخصيتج ومن هذا القبيل نحن لما كنا بنات نخسي نطلع من شوار ابونا وامنا أو حتى نخطي خطوة ونروح بيوت ربيعاتنا من غير استأذان ليش ؟ هل عشان ما عندنا شخصية لا لا لا لانهم هم مسؤولين عنا والزوج كذالك كل زوج مسؤول عن زوجتة وعليج طاعته والانصياع لأومامرة هذا حق .... وما أظن وحدة قدرت تطلع من شور امها وابوها إذغ قالوا لها لا لا تروحين بيت فلانة ...

وأذاكرج ان طاعة الزوج واجبة عليج وعلى كل مسلمة (( إذا صلت المرأة خمسها، وصامت شهرها، وحصنت فرجها، و أطاعت بعلها، دخلت من أي أبواب الجنة))

عزيزتي الاستأذان امر مفروغ منه وواجب عليج ... وكلنا مر على مسامعنا قصة الصحابية التي مرض ابوها وزوجها في الجهاد فستأذنت الرسول في الذهاب لرؤية ابوها فأمرها الرسول بالبقاء بالبيت حتى يرجع زوجها فتستأذنه ...




العتب

مشكوررين الله يجزاكم خير
استفدت جدا من نصايحكم
الله يخليلكم ازواجكم ولا يوريكم مكرووه

والله البنات ماقصرو وانا راى من راى اشواك الورد انا كنت زيك وزوجى متل زوجك لكن لما فكرت لقيت روحى انا غلطانه بس الحمدلله الحين احسن من قبل هلبه والحمدلله